— 104
„Mer haut doch noh sei Bißla Kꝛ.
„Sei Pest, sei theura Zeit,
„Des Tanzen und in Brohntwei ah,
„Dau sterbens', 's is a Freud;
„Ih dank dir für dein gout'n Rauth:
„Mei Hannesla wird öiz a Taud; —
„Löb wuhl! keihr' ei, Herr Schwauger!“
Alt und Neu.
An alter Wei, dös is bekannt,
Is besser als a neuer,
Af den wird's an su lausi oft,
Der alt' haut Kraft und Feuer.
Der Elfer reißt ah goar nit oh, —
Ih glahb, in hundert Jauhern koh
Mer noh an Elfer hob'n.
Mit alt'n Röck'n is nit suh, —
Dau senn die neua g'scheider,
Wenn alles alti Röck ner wollt,
Wau bleibet'n die Schneider;
Drum — neui Röck und alter Wei,
Nauh wird an Jeden g'holf'n sei,
In Weiwirth, wöi in Schneider.