92
Er trägt die Pauk'n in's Conzert,
Glatteisst haut's grod a weng, —
Dau rutscht er, wirft die Pauk'n weck,
Storzt hie nauch g'streckter Läng'.
Der alt' Kal'kant schreit seiner Frau:
„Du, Eiva! — dau gutz noh,
„'S haßt Alles Pauk'n trogen, — ner,
„Daß nit a jeder koh.“
Die wasserscheue Magd.
A Frau, döi haut ihr Mahd weck thou,
Und sagt: „Dau, Kundel, is dei Louh,
„Oiz trog mein Moh dei Böichla nei,
„Der schreibt der dei Afföih'ring drei.“
„„Ach!““ sagts', „„Madam, wenn doch der
Herr
„„Niet z'g'wiss'nhaft ban Schreiben wär; —
„„Ih waß, ih bin nit nauch sein Sinn,
„„Wahl ih ka putzta Dock'n bin.““
„Wöi?“ sagt die Frau, — „an ohg'schmoks
G'ried!
„Denn obs du putzt bist oder niet,
„Wos fraugt mei Mann denn dau dernauch?
„Dau steiht'n doch sei Nos'n z'hauch.“