110 — 
Frau, dau zöig' i immer su 
Manch'n gout'n Biss'n raus. 
Wenn mer's ner derschmeckt amaul! 
Su git's scho nu meih'r Aemtla; 
Föld tröckt's weiter nit goar viel, 
Ober halt doch manches Schlämpla. 
Frau W. 
däiern S', Sie senn wärli röcht 
Aff döi G'schwurnerei verpicht 
glab'n Sie's, Sie mach'n's no, 
Daß mi doch der Kitz'l sticht. 
Frau P. 
No, dös wär' doch wärli schöi! 
Fraugt mer g'wieß awal in Moh? 
Denn ba su wos kummt's jo ner 
Manst'ns aff die Weiber oh. 
Niet, daß i mi rühma will, — 
Frau, i mach' oft manch'n Spruch, 
Wenn mei Moh zon Handwerk kummt, 
Glab'n s' doch, er is su klug; 
Denn i waß's so gout als er. 
Könnt' i ner derbei oft stöih, 
Dau häit' mir scho Manches möiß'n, 
Glab'n Sie's, oft g'scheiter göih. 
Frau W. 
helt, aff unsern Handwerk goar, 
Dau git's nix als Neuigkeit; 
Und i bin a Masterstochter, 
Wüßt' die Ordnung ah su weit. 
Frau P. 
Freili, dös versteiht si su! 
Senn jo doch von Handwerk her, 
And nau überspringa lauß'n, 
Wos dös für a Sput nit wär'!