35 
No — sog i — Narr, sei doch z'fried'n, 
Haust jo doch an Preis, 
Git's jo Andri, hob'n goar nix, 
Trotz der Möih und Fleiß. 
Döi, meinad, wär'n g'wieß röcht zefried'n, 
häit'n s' deina kröigt; 
Dös is su ba jed'n Wettkampf, 
Daß Ans unterlbigt. 
Haust's jo doch scho vurher g'lös'n 
Wöi dös Ding wörd g'macht, 
Und haut di fei Kaner zwunga, 
Daß d' dei Woar' haust bracht. 
Haut si freili Jeder eibild't, 
Sei Woar' is die best', 
Wöi nauh senn die Richter kumma, 
Is halt nit su g'wöst. 
Nauchher bin i wider ganga 
Hamm und in mei Bett. 
Hob mer denkt, Preisrichter mach'n, 
Na, dös möcht' i net. 
Schaust döi Woar' ah nu su g'nau oh, 
Wöi mer s' dreht und wend't. 
Wenn der Ah is mit der z'fried'n, 
Wörst d' von Andern g'schönd. 
* 
— 
— 
—