70 
Wall Ihr vo Milliona red't, 
Döi mer nit her koh bringa, 
Dreihundert Milliona senn's, 
Döi durch die Gorg'l rinna. 
Dau hobt Ihr's Göld, dau wörd nit gffraugt: 
Kohst's schaff'n oder niet? 
Doch braucht es Reich ans zo sein Schutz, 
Hernauch thöit' Ihr nit miet. 
Geiht denn a Pfenni as'n Land? 
Es bleibt jo dau, dös Göld, 
Ihr schimpft ner, wall Ihr's su seid g'wöhnt, 
Und wall Euch sunst wos föhlt. 
Mer schämt si vur der Nachberschaft 
Mit Euern eiwin G'streit, 
Wenn mir ka Flott'n kröiget'n, 
Döi häit' die gräißti Freud'. 
Dös Wies'la, dös wär' g'möht für döi, 
Wenn Deutschland würet schwach, 
Denkt droh, wöi Deutschland d'runt'n woar, 
Es is a wauhra Schmoach. 
Zo Deutschland's Ruhm, zo seiner Eih'r, 
Su singt er — Gout und Blout, 
Mit Freud'n opfern gern mir, 
Und wißt nit, wos er thout.