30 
Der gehorsame VRatltient. 
Es woar amaul a Moh allhöi, 
Der haut an Praß'! Göld, 
Und wall er reich is, — vo Natur, — 
Su haut'n ah wos g'föhlt. 
An Oarmer wörd su leicht nit kronk, 
Der haut ka Zeit derzou, 
Und wenn 'n wörkli ah wos föhlt, 
Er merkt's goar nit a su. 
No also, mei Herr Krauß is kronk: 
Es koh jo mügli sei, 
Daß dös nit röcht arg g'fährli is, 
Allah, er bild't si's ei. 
Mer schickt zon Dokter, und der kummt, 
Verstäiht si, kummt er glei, 
Denn jeder Gang zon Herrn Krauß 
Tröckt ihn drei Märkla ei. 
Er kummt und schaut und klopft und horcht, 
g'eirst vorna und nau hint', 
Doch alles Klopf'n hilft halt nix, 
Wall er ka Kranket find't. 
Su treibt er's bald sechs Woch'n lang, 
Macht alli Tog sein B'souch, 
Doch endli sagt er selber si, 
Diz manet i, wär's g'noug.