s 
20 
Der eirst' Wog'n mit sechs Gäul' 
Haut wunderschöi ausg'schaut, 
Die Bundesfanna steckt aff ihn, 
Döi bis öiz Mainz g'hat haut. 
Ba der Tribuna, d'runt on Markt, 
Der Fannawog'n hält, 
A Herr tritt vur, sagt höbt s' gout af, 
Sie kost' an Haft'n Göld. 
Daß er si von 'ra trenna mouß, 
Mer sicht's, es fällt'n schwer, 
Allah, dau nutzt es Ried'n nix, 
Er mouß s' halt göb'n her. 
No, öiz ba uns is gout afg'hebt, 
Dau koh er rouhi sei. 
Mir Nörnberger trog'n s' nit 
In's Leihhaus eppet nei. 
Dös haut den Herrn ohng'fähr g'sagt 
Der Börgermaster Schuh, 
Die Leut', döi schreia „Vivat hoch!“ 
Die Musik bläist derzou. 
No, denk i, wenn dös Volk scho öiz 
Su jub'lt und su schreit, 
Wöi wörd's eirst on Paraditog, 
Wenn ei der Kaiser reit'?