Sie kröigt ka Antwurt, — wos is dös,
diz zöigt s es Deckbett weck,
Dös Bett is leer, — o ldiber Gott,
Kröigt dau döi Frau an Schröck.
Sie springt mit die zwa Föiß zuglei
As ihr'n Bettla raus
Und jammert zon Verzweif'ln arg,
Mer häiert's im ganz'n Haus.
„Mei Moh is weck, mei Moh is fort,
O, wenn er nimmer käm',
J thou mer währli oh in Taud,
Wall ih mir's Löb'n nehm'.“
Die Moutter häiert's und sagt: „Geih' zou,
Häier af und sei ner g'scheit,
Der hockt halt no in Wörthshaus d'rinn,
Es git scho setti Leut'.
Du waßt jo, wou er zifinna is,
Dau geiht die Mad und Du
Diz hie, und nauchher föihert er'n ham,
Su haut die Seil' a Rouh.“
Dös thenna s', und wöi's Sechsa schlöckt
Dau stenna s' alli zwou
Scho vurn Wörthshaus, — g'schloss'n is,
D'rum läut'n s' tüchti oh.