191 —
Endli ferti, sagt s' zon Moh:
„Kouerla, öitz kummst Du droh!“
Und der Kouerla tout schaua,
Sagt: „Ih tou' der G'schicht nit traua,
Z'erscht mouß d' Erd'n untergsih,
Nau wer ih Dir alles g'stöih!“ —
Hhöi woar a Saldoat, a g'scheidter,
Ganz natürli woar's a G'freiter,
Der mahnt: „Werd die Erd'n z'iss'n
Ih hob' jo a ganz gout's G'wiss'n;
Wega mir koh's göih wöi's mog,
Ih hob' Urlab verzeh' Tog!“ —
Wöi der achtzehat woar vurbei
Pünktli kummt der neunzehat Mai!
Dös woar's Ahnzi wos tout stimma,
Sunst a Tog wöi halt sunst imma;
G'sunk'n is ka Barometer,
Sichst kan' Dampf, ka Dunnerwöter,
Durch ka Nordldicht werst d' entzückt
Und ka Mensch is ah derstickt! —
Göb's ba uns wos zon Belohna,
Wär's die Neugier der Bewohna!
Vielna tout der Schlauf nit reuag,
Renna fort fröih lang vur dreia,
Stärma af die Freiung naf.
Daß s' sög'n den Komet'nschwaaf.