Und immer ärger werd der Lärma, 
Es ist zon Abfoahr'n häichsta Seit; 
Drum tenna' ball die Schalter stärma 
Und haua hi wöi nit recht g'scheid. 
Dau endli doch nauch langa Wart'n, 
Taut Ahns an Schalter doch ahfzig'n, 
Die Vordern krabs'n nauch die Kart'n 
Die Hintern wer'n wull kahni kröig'n. 
Déi übrin Schalter, die fünf andern, 
Döi senn blaus dau, wöi's scheint, zon Stoat, 
Déi bleib'n fest zou, drum tout mer wandern 
Und lafft öitz hi zon Automoat; 
Dau nehmt mer nau Perroubillet'n, 
Ner daß mer endli kummt zon Zug, 
Denn Jeder möcht an Platz si rett'n 
Und rennt nau n'über wöi im Slug. 
A lustig's Stück vo an Bouchhalter 
Dös lauß' ih öitz doch ah nu laus: 
Der schreit vo hint' sein' Freund on Schalter: 
„Bring mir ahns miet af Ott'nsaus!“ 
Der tout dort drei Billet'n läis'n, 
Wal ahns woar für sein Hund derbei 
Und wöi er kummt mit Püff und Stäiß'n, 
Packt der ös nächstbest vo döi drei. 
Derwischt derbei vur lauter Schick'n, 
Wöi er su saust, ös Hundsbillet 
Und wöi er's will nau lauß'n zwick'n, 
Sagt der Portis: „Dös is recht nett!