—X
136 —
Der woar närrsch in dös saber Ding,
hob'n si verlobt nau glei
Und wöi s' hob'n gwechs'lt g'habt die Ring,
Soll ball die Hhauchzert sei.
Ganz glückli woar jo die Lisett',
Daß kummt doch unter d'Hab'n!
Es is öitz doch ihr Eiher g'rett'
Und ah der goute Glab'n! —
Drum gäith s' a glei zon Pfarrer nei
Und thout ihr Bitt' dau stellm:
„On Mönta soll mei Hauchzert sei,
„Herr Pfarrer! ih möcht b'stell'n,
„Daß Sie halt möcht'n sorg'n derfür,
„Daß ih ös Gilläut' thou kröig'n!
„Drum senn S' su gout und loußn mir
„Die Glock'n derzou zöig'n!“ —
Der Pfarrer woar a gscheidta Moh!
Er kennt die Weiber g'nau
Drum schaut er scharf die Lisett' oh
Und in die Aug'n ihr schlau;
„Die Silberglock'n?“ is sei Fraug,
„Daß ih dich nit verkenn'!“ —
Döi macht vur Surn an Sprung ganz hauch,
Sagt: „Freilil — Welcha denn ?“ — —