Der Taugenichts.
Hie und her hob' i mi b'sunna,
Wöi i mi derniehr'n thou',
Und i hob' halt doch nix g'funna,
Wöi i saber und in Rouh
Löb'n könnt', wuhl nit goar prächti,
Doch ner goüt und sorg'nfrei;
Ober ner dös Ani möcht'i:
Ner viel Aerbet nit derbei.
In der Schoul, dau hob' i trieb'n,
Wos mer ner dau treib'n thout,
Deutsch, Lateinisch, g'rech'nt, g'schrieb'n,
J. hob' g'mant, su zimli gout;
Hob' a weng Musik probbiert,
Und dös glab' i immer no,
Wenn i s' recht häit' exerzbirt,
Wär' i Virtuos biz scho—
J hoh' scho hübsch grauß ausg'sög'n
Und nit g'wüßt no, wos i wer';
GBoar nix haͤit' i wer'n mög'n,
Alles, haut mi däucht, is schwer;
Und doch hob' is's sog'n soll'n,
Alli Tog' is g'wöst der Streit,
Und i hob' su warten woll'n,
Bis mi mit der Zeit wos freut.
Bin nau zon an Goldschmied kumma,
Hob' mi dau nit lang verweilt,
Hob' bald wieder Abschied g'numma,
Wall i den nit röcht hob' g'feilt.