— 127 
Und doch hob' is's sog'n soll'n, 
Alli Tog is g'wöst der Streit, 
Und i hob' su wart'n woll'n, 
Bis mi mit der Seit wos freut. 
Bin nau zou an Goldschmied kumma, 
Hob' mi dau nit lang verweilt, 
Hob' bald wieder Abschied g'numma, 
Wall i den nit röcht hob' g'feilt. 
Hob'n s' mi an Boder göb'n, — 
Und wos koh denn i derfür, 
Daß i koh ka Blout nit sög'n ? — 
Der haut g'sagt: Oiz glei marschier'! 
Wenn dös Ding su fort wörd wer'n, 
Sagt mei Vormund, nau geiht's gout! 
J will doch ner seha gern, 
Wos der Kerl treib'n thout. 
An Randiter thou' si wiss'n, 
Und i glab', der nehmt di oh. 
Zob' i denkt, dau göb's an Biss'n, 
Wou mer wos versouch'n koh 
& 
Und zo den bin i nau kumma, 
Und i glab', i wär' no dort; 
Der haut mi scho selber g'numma, 
Haut mi wider g'wies'n fort, 
Und haut g'sagt, in etli Monet 
Wäret' er an armer Moh, 
Denn bis i röcht ei dau g'wohnet', 
Fresset' i ihn oarm scho.