*
242
Der Soldat.
Affn Bett der Eih'rn sterb'n,
Dau hob' i ka Zeit derzou;
Wer si will den Ruhm derwerb'n,
Der geih' hie, lauß' mi in Rouh
Ich tracht' nauch kan hauch'n Titt't:
Kumm' i nit hauch ub'n oh
Waß i scho an anders Mitt'l
Wöi i mi derniehr'n koh.
J hob' scho an Vatter g'hatt'n,
Der haut zittert wöi a Hos,
Haut sie g'forcht'n vur sein Schatt'n
Und haut denkt, er thout'n wos:
Und wer koh denn nau begehr'n,
Daß sei Suh, sei Eb'nbild,
Vürneh'm, grauß in Kröig soll wer'n?
Dau wär' sei Wunsch nit derfüllt.
Von der Vorsicht is's scho b'schloss'n,
Wos a Jeder treib'n koh:
Ih hob' ka Pistol lausg'schoss'n, —
Wenn mer schöißt, i zitter' scho.
Wenn i möißt' in Kröig mit zöig'n,
Wou mer schöißt und sticht und haut,
Dau könnt' i a Wund'n kröig'n,
Döi vielleicht gieng' in die Haut.
Sollt'i exerzöiern lerna,
Dau häit i a röchta Freud:;