Des Glssla steiht scho aff'n Tiesch, 
J schenk' der scho ahs ei. 
Wenn i wos z'gratalöiern wüßt', 
J gieng' der selber miet; 
Alah i hob ka Aemtla, ih, 
Und ah kan Mant'l nit. 
2* 
H. 
Der Mant'l, horch, is ah niet mei, 
Den hob' i ah entleiht; 
Dau haut wuhl heunt der Zehest kan, 
Der in an Mant'l geiht. 
Denn heunt git's Mänt'l, blaub und weiß, 
Und schwarzi, wöi mer s' denkt; 
Döi gratalöiern all um's Göld, 
A Jeder will wos g'schenkt. 
Fr. 
Diz sog' mer ner, wos kröigst' denn su? 
Du sammelst jo drei Tog'. 
H. 
O rouh'! dös is, waß Gott! su weng, 
Daß i's nit sog'n mog. 
Dau git's der Leut', döi foahr'n der 
Die Sunta ordinär, 
Dort hob' i sunst drei Batz'n kröigt, 
Hiz göb'n s' Grosch'n her. 
Fr. 
Dau is döi schlimma Zeit droh Schuld; 
Es zöigt halt Jedes ei. 
Haust röcht, als wenn mer Steu'r git, 
Wou Kah's nit reich will sei. 
Du haust g'wieß ah an sabern Thal 
Aff's Rauthhaus trog'n naf? 
Fr.