150
got getreulich bitten in ansehung das es bej disen färlichen zeitten
vnd so grossen teglichen einfallenden Irsaln hoch von nötten ist, wie
des auch ein christliche ermanung vnd verkundung gestellt werden soll.
Auserwelte glider Jesu Christi. Bitt got durch denselben unsern
herrn Jesum Christ, fur kaiser, konig vnd fur alle obrigkeit, auff
das wir ein geruelich vnd stilles Leben furen mogen in aller got-
seligkeit vnd erbarkeit.
Auch fur juden,. turcken, haiden vnd boss Christen, die alle den
namen Jesu Christi gehortt vnd gleichwol der christlichen warheit
vnglawbig vnd widerwertig sein, das sie got unser vater, mit barm-
herzigkeit ansehen vnd erleuchten wolle, auff das sie von irem irr-
thumb vnd plindtheit, zu der warn erkantnus seins sons, unsers herrn
Jesu Christi in die ainigkeit der rechten christlichen gemayn, komen.
Darzu fur alle sunder vnd sunderin, die nit besonder wider das
gotlich wort fechten vnd dannocht in sundlichem leben behafft vnd
verstickt sind, das inen got ire sunde zu erkennen vnd ein rewig
hertz geben wolle.
Item fur alle gefangene, krauke, elende, geengstigte, betrangte,
vnd die in anfechtung vnd geistliche bekumernus seien, das inen got
bejstee vnd helffe, sie tröste vnd stercke, durch Christum unsern herrn.
Besonder aber fur einen rathe vnd gemaynde diser stat, das
vns got verleihe, bestendigkeit vnd auffnemen in der warheit des
reynen vnd lautern wortt gottes. Amen.
Vnd die es vermugen, wollet der armen leutt, mit euer hilff,
zu gemaynem gotseligen Almusen, nit vergessen.
Handlung bei den kranken.
Bei den krancken soll man zum ersten vernemen wie ferrn sie
im wortt gottes vnterricht sein, vnd wes in mangelt, vnterrichten,
mit der prefation teutsch consecrirn vnd dann inen die gemayn ver-
manung vorsagen, das sacrament bederlej gestalt raichen, nach ein-
setzung vnd beuelh des herrn Christi, mit einem gepet oder danck-
sagung beschliessen was die sunst trostens vnd ermanens werden
hedorffen, wirt das werck selbs leren.
Von einsperrung des sacraments.
Item dieweil wir des leibs vnd pluts Christi halb, allein zu
essen vnd drincken vnd nit in hewsle zu sperren oder vmb zu tragen
all
ah!
an
ir
4 al?
A
7
lz.
h