104
Und du haust etli Jauh'r her
Fast unverzeihli tobt;
Du haust scho su viel gouta Woar
Derschröckt und oft derfrur'n goar,
Verdörbst sugoar in Wei;
Horch, dös lauß' künfti sei!
Wenn du dös Ding nu öfter treibst,
So schweigt mer von dir still.
Wou singt mer denn an anzismaul
Von März und von April?
Und wenn döi ah nit freundli senn,
So sog' mer, wos verdörb'n s' denn?
Du ober bringst die Leut'
Um all ihr' Summerfreud.
Mer wart't an ganz'n Winter fort
Mit Schmerz'n aff döi Zeit,
Wou Alles gröint und blöiht und wächst,
Döi alli Mensch'n freuz
Und wenn in aner Nacht a Költ,
Döi alles glei verdörbt, eifällt,
Dös louhnt doch g'wieß die Möih
Nau, daß mer wundert fröih?
Wenn i scho glei kan Gart'n hob'
Und ah kan Wei nit bau',
Su g'fällt mer doch dös Wöter niet,
Und wenn der Wind su rauh.
J will in Mai spazöiern göih,
Drum soll's ah freundli sei und schöi;
Und wenn er dös nit thout,
Su senn mer nimmer gout.