119
Und die Sehnsucht kraͤllt'n,
Er gibt si an Schwung;
As der Hemadfalt'n
Waugt er öitz an Sprung.
Fällt der Wanzin z'Föißn,
Thout sei Herz ausleern;
Läßt sei Ried öitz flöißn,
Daß er s' hout su gern. —
Und su wach wöi Butter
Werd ös Wanz'nherz;
„Ried mit meiner Mutter!“
Sagt's vull Löibesschmerz.
„Houst mein Herzusschlüß'l,
„Du mei löiber Schatz!“
Gibt'n af sein Rüßl
Glei an Fetzun Schmatz.
Und der Flauh thout tanz'n,
Wöi a Siegesheld
Ho der alt'n Wanzi'n,
Hout sein Ohtrog gsstellt.