c. 
Der Pfarrer, der sorgt scho derfvier, 
Daß mir drauß' kröig'n a gout's Böier, 
Schwarzfleisch und Kaffee ah, 
Dös b'sorgt sei löiba Fra. 
Doch halt in Winter, dau is dumm, 
Dau zöigt an scho die Költ' ganz krumm, 
D'rum genga mer nit naus, 
In Winter bleib'n mer z' Haus. 
Die Amsel. (1899) 
Eine wahre Begebenheit. 
Erster Theil. 
Höi, in der Sankt Johannesstrauß', 
Dau steiht an uralt's Haus, 
A broaver Moh mit seiner Frau 
Uebt draf die Wörthschaft aus. 
Es Kreuzla haßt's vo Altersher, 
Is glei a Köring nebenbei, 
Und wer as dera Köring kummt, 
Koh glei in's Wörthshaus nei. 
Asschöiner Huf mit Bäuma d'rinn, 
Dös mouß der Gart'n sei, 
Daß dau an jed'n Mensch'n g'fällt 
Dös kohst der bild'n ei.