6
BVSCHIVS, LIPSICA.
[Biijp] Moenia, sed doctus Veronae fama Catullus
Vndivagis ut te celebravit, Sirmio, terris,
Sie est formosus Lips urbes inter ocellus.
Huius quam celso consurgunt aggere muri,
210 Quam cingunt crebris munitam turribus urbem'
Quam late occurrunt omni sine sorde plateae!
Hic pulchros alte fastigia tollere cernis
Vndique et aequata procedere fronte penates.
Efficit in medio spectabilis area visu
Planiciesque forum, quod dextra curia parte
Desuper inspectat coetu stipata verendo
Iustitiae, cui cura tenax, cui verus honesti
Ardor inest animi atque usu prudentia longo
Nutrita et virtus nullo non carmine digna.
Quem iuvat et populi mores audire, docebo:
Ile patrum sequitur studium sanctique senatus
Est placidus, clemens, adfabilis, integer, aptus
Ingeniis, vultu pulcher, nec veste nec ore
Barbarus, in vietu nitidus, sed sobrius odit
255 Vota gulae et nimii damnat commercia luxus
'Biiijaı Nec solet ignavo luces transmittere Somno
Nec sensus hebetare mero ventremque saginis
Tendere nec ludo foedave libidine solvi.
Indulget tamen interdum, cum tempora poscunt
260 Laetitiae: cum causa monet, cum suadet honestas,
Tum coit excussis concors vicinia curis.
Explicat et frontem risus sermoque modestus,
Dulciaque unanimi studio convivia fervent.
Nulla dies alias sterili consumitur usu,
Intenti sed opus faciunt segnesque coercent
Emendantque mores nec tempora cassa labore
Effugisse sinunt omnique expertia fructu.
Quodque magis laudes: natos adsuescere parvos
Officiis quantumque valent ad honesta vocantes
270 Erudiunt et qua vicinus parte iuvandus,
245