144
Er kromt in alti Blöter
Und endli fängt er oh
Und b'schreibt die Schlacht vo Sedan g'nau,
Su g'nau, als mer ner koh.
Statt's Deutschland schreibt er Japan,
Frankreich mouß China wer'n,
Und Sedan taft er g'schwink Söul,
Su wos wörd g'lös'n gern.
Die Taudt'n und Verwundet'n,
Kanuna, G'ifangana,
Dau ändert er die Zoahl a weng,
Nau is scho ferti ah.
Doch, wöi's die andern Blötla
Schöi ohdruckt hob'n grouß,
Dau schreibt der nei in sei Schurnoal,
Er häit' si g'errt ner blaus.
Döi Schlacht wär noni g'schlog'n,
Doch wörd s' g'schlog'n g'wieß,
Diz froug' i jed'n Mensch'n, ih,
Is eppet dös ka B'schieß?
Der Ah trinkt kalti Ent'n,
Dau ärgert si der Zweit',
Und schreibt glei in die Zeiting nei,
Daß der sei Göld vergeud't.