allein den Vnkosten / sondern auch so viel Muͤhe vnd Zeit / bey
solchem Werck auffzuwenden / da ich doch wol meine Zeit an⸗
derst anlegen koͤnnen ꝛc. Dem gib ich zur antwort / das mein
fuͤrnemen anfangs / vnd jetzt / anderst nicht / als allein zu gemet⸗
nem Nutz / vnd trewlicher vnterweisung / vnd durchaus / auß kei⸗
ner Hochfart / noch dahin gemeinet seyn soll / als koͤndte nie⸗
mandts / dann ich schretben / vnd schoͤne Buchstaben machen /
sondern daß tch vtelmals feiner Schretber Arbeit gesehen / so
guten vnverdrossenen Fleiß gebraucht / aber doch keine gewisse
Regel / vnd Augenmaß guter stellung in sich haben. Derowe⸗
gen zu notwendiger Vnterweisung / wie nemblichen ein seder
Buchstab in seiner rechten Art / mit freyer Hand gestellt / gezo⸗
gen / vnd gemacht werden solle / ein außfuͤhrliche demonstra-
tion bemelter Versal Alphabeth / (frags vnnd antworts weiß)
gleichsfals htemit in Truck verfertigen / vnnd vorbemelten A⸗
phabethen / zum eingang setzen woͤllen / vnd solches mit fuͤrgestel⸗
ten gantz gerechten Figuren / vnnd allzeit darneben / derselben
falscher arth / damit die Augen den Verstand desto leichter mach⸗
en / vnd ob es wol mit muͤhe sein koͤnde / die Teutschen Versalta/
in ein Geometrische außtheilung gleich den Lateintschen / zu⸗
bringen / wuͤrde es doch ein gesperts vnd genoͤtigts wesen / auch
ein vergebliche Arbeyt seyn / die niemand zugebrauchen begeret /
darumb ich diese meine vnterweisung / nur bloß in ein gewtß Au⸗
genmaß gestellt / vnd mit guten vnd nuͤtzlichen Regeln beschrt⸗
ben / der Hoffnung / ob sie wol etwas kurtz / dennoch nicht we⸗
nig nutz schaffen solle / Der Allmechtige Gott / woͤlle zu dem vnd
andern nutzbaren Wercken / sein Goͤttliches Gedeyen geben.
B 9
So