52 —
*
*
Daß i döi Lustras' b'singa will,
Döi i dauauß hob' g'macht;
So will i Ihnen ober öiz
Su gout, als wöi i koh,
— Unmügli ganz, dös kon i niet, —
Derziehl'n wos dervoh.
Dau bin i letzthie g'foahr'n, ih,
— Wenn mir dös Ding fällt ei
Döi neua Schäsi und mit wen,
J mah, es koh nit sei, —
Aff Kühl'nfels, su haßt der Urt,
Zwou Stund von Betz'nstah,
Er g'häiert in Herr G'heimarath
Von Gutt'nberg allah.
Aprächtis, freundlis, niedlis Schluß
Is aff an Berg hiebaut,
Su daß mer mit Vergnöig'n dau
Viel Stund' weit rummerschaut;
Und in den Schluß is Alles schöi,
Und wos mer kröig'n thout,
Und wos mer ißt und wos mer trinkt.
Is Alles treffli gout.
Und wenn mer prächti gess'n haut
Und haut ah trunk'n satt,
So macht mer an Spazöi'rgang dau—
Su hob' i kan no g'hat.
A Gart'n, der is wörkli schöi;
Doch ober dös is ner
Der Ohfang kam von all'n den.
Wos i derziehl'n wer'.
Und von den Gart'n geiht mer nau
An ganz gleich ebna Gang
In Wold, in dicht bewachs'na Thoal.
Und dös is zimli lang;