106
Nah! su an alt's gout's Thoaler⸗G'sicht, —
Ih was goar nit, wöi's mir dau g'schicht:
Vur Löib könnt ih's ohbeiss'n.
Die alt'n Geig'n senn ah gout;
Wer ahna kröig'n koh,
Der haut a Freud, — „dbi Geig'n,“ haßt's,
„Haut halt an kostbern Toh;
„Die alt'n Leiern mog mer niet,
„Dau häiert mer goar oft döi Ried', —
„„Es is an alta Leiern.““
Und baut mer a Komeidi-Haus,
Su kummt a Leiern droh,
Und Jedes freut sih, Jedes siecht
Döi neua Leiern oh;
In Ohfang geiht dös Ding recht schöi, —
Nauh haßt's: „Herr Jedi, laußt mih göih!
„Es is halt die alt Leiern.“
Das Textlesen.
APfarrer, der nix lerna koh
Und Alles runter lös't,
Der kröigt amaul an andra Pfarr, —
Ih waß nit, wau's is g'wöst.