No, dau bin i freili g'stand'n, —
Ohna Göld und in der Fremd,
Hob kan Freund und kan Bekannt'n,
Siech' kan Mensch'n, der mi kennt;
Hob sunst nix, als wöi mei Geig'n,
In an Sacktouch all' mei Woaͤr,
Su mouß i mi fort öiz schleig'n
Dau von dera Götterschaar.
Hob mei Woar, mei Geig'n g'numma
Bin ganz sachti ganga fort;
Bin nau aff a Durf hiekumma
Und geih' nei in's Wörtshaus dort;
Hob'n Ah mei Geig'n g'sög'n,
Schreia, daß i geig'n thou', —
Hob i halt um's Hungers wög'n
Geigt und g'sunga ah derzou.
Dös hob' i a Zeitlang trieb'n,
Hob' a weng a Göld zammbroacht;
J wär' scho no länger blieb'n,
Denn mi haut kan Hauchmouth plaugt,
Hob' doch trunk'n, hob' wos gess'n,
Bring' a bisla Göld no zamm;
Hob' mei Schicksal halb vergess'n,
Hob' mi geigt und g'sunga hamm.
Ober wöi i ham bin kumma, .
Haut mei ganza Freundschaft g'schöndt,
Dau wörd goar ka Noma g'funna,
Wou s' mi hob'n nit mit g'nennt.
Sagt mei Vetter: „Su an Herrn
Hob' i freili no nit kennt!
Und wos no des Schöinst' wörd wer'n, —
Glei goar haut dei Göld an End.“
Bin nau hinters Lotto kumma,
Dös haut grod no g'föhlt aff d' Letzt;
Eisätz' hob' i g'noug ohg'numma,
Ober — i hob' nit eig'setzt.
8