Zu nehmende Stoffe.
Dau mahna Manchi, mer soll singa
Von lauter ungeheu'rn Dinga,
Wöi ganzi Lend'r sen versunk'n,
Und wöi der Schwöf'lg'ruch haut g'stunk'n;
Wöi as'n Berg a Bröih 'raus g'loff'n
Und haut af Stedt' und Derfer troff'n;
Die Glaihrt'n tbenas Lava haß'n,
Vielleicht, wal's su g'schwink bleft in d'Gass'n;
Und Andri woll'n goar nirx sog'n,
Als ner von Raff'n und von Schlog'n,
Wöi Völk'r wöi die Laiw'n springa
Und's Kind in Moutt'rleib umbringa.
Doch ih mahn, dös sen kani Sach'n,
Daß mer die Leut' vergnöigt koh mach'n;
Soll mer denn, wos su trauri g'wös'n,
Deitz ah goar noh in Verschna lös'n?
Thou ih an Köf'r sög'n laf'n
Und schau ih oh an Omeshaf'n,
Thout rum a Summervug'l! zöig'n,
A Schwalb'n in die Häich nafflöig'n;