64
Der Geburtstags-Gieker.
„Lehna!“ hob' ih on an Sunnta
amoal zou mein Weibla g'sagt:
„Waßt, wos wir öiz hob'n zon Ess'n
ja scho wöi lang nimmer g'hat?“
Gleih on Diensta kafst'an Gieker,
föitterst na a Wochnes drei,
und thout mei Gebortstog kumma,
bringst mer'n nau schöi braut'n rei.
No, mei Frau kaft su an Gieker,
föättert'na fröih und z' Mittog,
und in schönst'n Plotz am Bud'n
kröigt der Gieker in sein Trog.
Ih bin selber af'n Bud'n
manchmoal naf und hob mih gffreut,
wöi mei Giekerla thout fress'n
und in aller Fröih scho schreit.