7 
248 
Haut su an langa, schwarz'n Stiel, 
Und wöi a Aal su glatt; 
J hob'n jo viel duzedmaul 
In meiner Händ drin g'hat. 
H. 
J hob' an alta Flint'n, ih, 
In's Zeughaus trog'n nei, — 
Hob' öiz a röchtä schöina kröigt, 
Viel schöiner als die mei. 
Fr. 
Haust g'wieß an Dög'n ah derwischt? 
Dös glab' i, und wuhl zwöi; 
Halt ner su alti mößini, 
Is kaner nit röcht schöi. 
Fr. 
Diz, den döi Flint'n g'häiert haut, 
Wos sagt denn ober der? 
H. 
Lauß's sei! es is wuhl meih'r fort: 
Mer git's halt nimmer her. 
Ade, löb' wuhl! diz mouß i göih 
Sunst kumm' i wärli z'spöt: 
J brauchet' verzi Tog' derzou, 
Wenn i su plaudern thöt'. 
Fr. 
Dau git's der scho no meih'r Leut', 
Sie gratalöiern no, 
Und is 's Neujauh'r lang verbei, 
Mer denkt goar nimmer droh. 
Dös Ani ober sog' mer no: 
Wos wünschst' denn Alles heunt? 
Dau waß dei Herz g'wieß weng dervoh 
Oft ba dein best'n Freund?