108 
Das Schützenfest zu Nürnberg. (1897.) 
J. Ankunft der Schützen. 
Samsta Nammitog um Dreia 
Schellt ba mir a Freund, 
Schick' di, laf, die Schütz'n kumma, 
Hockst di hamm g'wieß heunt? 
No natdierli, wenn's verlangt wörd. 
Koh mer nit su sei, 
Ih schrei' noh, geih, wart' a Bisla, 
Wart' ner, i kumm' glei. 
Also genga mer mit'nander 
A weng durch die Stodt. 
Ei, ei, ei, schau ner döi Häuser, 
Is dös nit a Stoat. 
Schau ner dau in Muslas Fritzla 
Sei Barack'n oh, 
Wöi der's putzt haut, daß mer vo döi 
Sprüng' nix sög'n koh. 
Endli no su senn mer kumma 
Bis zon Frauathur, 
Wos dau haut für Mensch'n geb'n, 
Stellt si goar Kans vur. 
Dau haust a mit G'walt nit durchkönnt, 
Bleib'n mer halt öiz steih, 
Endli sog' i, häier, dös nutzt nix, 
Woll'n mer weiter geih.