*
*
——
2
104 —
Und wenn's, — wöiwuhl, mer hoff'n's niet, —
A Madla wer'n sollt,,
So sog'n S', löiba Jungfer Braut,
A Madla hob'n S' g'wollt.
Ner denk'n S' on kan anders Kind
Baleib nit eih'r droh,
Als bis des letzter allizeit
Bald wider laf'n koh.
Daß s' immer still und rouhi senn
Und greina selt'n laut,
Daß Ihnen kans ka Nacht verdörbt,
Dös wünsch' i, Jungfer Braut.
Der Eihstand is a herrlis Ding,
J waß, daß's Ihnen g'fällt:
Gieng's alli Tog' su zou, wöi heunt, —
Nix Bessers aff der Welt!
Die Männer, — no, dös wiss'n S' scho.
Daß jeder haut sein Lau,
Er mog öiz haß'n, wöi er will,
Herr Schwarz, Herr Weiß, Herr Brau.
Und öiza nehma S' nit verlbib,
Nir Bessers hob' i niet;
In Kindbett keih'r i wider ei
Und bring' wos Andersts miet.
Und wenn S' heunt hob'n gess'n satt
Und trunk'n, g'scherzt und g'red't,
So schick'n S' Ihri Gäst' bald hamm
Und genga S' in Ihr Bett.