87 
Haut mer glabt, mit den Maschinan 
und der grouß'n G'werbfreiheit 
kröiget mer in unsern Deutschland 
wieder amoal a gold'na Zeit. 
Vurwärts kumma ner die Wengst'n 
trotz der Freiheit, döi mer hob'n, 
und statt, daß mer öiz wär zfried'n, 
häiert mer ner die ganz Zeit klog'n. 
Freili, wer sunst g'west a Master, 
haut sei Auskummats scho g'hat, 
haut ah nit an's Leb'n wöi öiza 
goar su groußi Ohsprüch g'macht. 
Alles woar ah viel meihr zfried'n, 
als wöi öiza, koh mer sog'n, 
öiza thenna s' — mahst as Dummheit 
über schlechti Zeit'n klog'n. 
Geiht's ah schlecht in manch'n G'schäft'n 
anderi florir'n hingegin,— 
und goar Mancher kummt in d' Höih no, 
is 'n ner ah wos droh g'leg'n.