34 
Freili, manch'smaul genga s' aus, 
Wöi sunst ah, — no, dös koh gschög'n. 
Ober halt, glei alliz'samm, 
Freund, dau kohst a Finstern sög'n. 
Heunt, wenn Du a Kränzla haust, 
Manst, dau brauchst an Latterwog'n. 
Ga! dau führst schöi mit der Boh, 
Welcher Weis', dös dörfst' ner sog'n. 
Denn dau hob'n mer Zwouerla, 
Ana, döi mit Dampf wörd trieb'n, 
Döi is as der alt'n Zeit 
Halt a su no übri blieb'n. 
Döi löfft über's ganze Land, 
Kohst der scho den Lärma denk'n, 
Den döi macht, wenn in an Zug 
Dreißk, verzk Wäg'n henk'n. 
Daß der dau a Strauh wörd noß, 
Dau brauchst kani Aengst'n kröig'n, 
Wall's in jed'n Wog'n drinn 
Glei es Häusla ah mitzöig'n. 
Nauchher hob'n mer no a Boh, 
Döi mer die Elektrisch nenna, 
Döi thout ohni Dampf a Gäul 
Ganz allah vo selber renna.