2 
* 
100 — 
Dös freut mi, wenn i von Lisett'n 
Doch heunt no a Dukat'n g'winn'. 
Er thout s' in Gäula roh von Föiß'n 
Und löckt s' nau rum um seini Ba, 
Thout s' ner awal su blind zouschlöiß'n; 
Sie ober schreit: Kotz Wöter, na! 
Sie möiß'n ah des Schluß droh mach'n! 
Es mouß grod wöi ban Pferla sei. 
Dös hindert nix, sagt er mit Lach'n; 
Dau schlöiß'n Sie's ner selber ei. 
Sie nehmt des Schluß und läßt's eischnapp'n, 
Und sagt: No öiz, dau genga S' schöi! 
Er geiht zwar korz, doch ohna Knapp'n 
Und sagt, er wollt' drei Stund su göih; 
Er schreit: Madam, und die Dukat'n? 
Diz zöigt sie glei die Geldbörsch raus 
Und sagt: Dau seha Euer Gnad'n, 
J zahl' a mit Vergnüg'n aus. 
J häit's nit glabt, dös mouß i sog'n, 
Daß doch dös Ding ner mügli wär', 
Daß Ans doch könnt' döi Kiet'n trog'n, 
Und könnt' su grod no göih derher.« 
Er lacht und thout als wollt' er springa 
Und sagt: J denk' doch, dös wär' brav! 
Diz woll'mer s' wider runterbringa, 
Senn S' ner su gütig, sperr'n af. 
Sie soucht und soucht in all'n Söck'n, — 
Sie find't halt öiz kan Schlüss'l niet. 
Er sagt: Wou mouß denn der wuhl steck'n? 
Wou senn S' denn öiz hiekumma miet?