42 — 
Und wöinih wider ahfg'richt woar, 
Will foahr'n ih wider glei! 
Bin ober g'hupft bis Eibach goar 
Bis gäith die Fohrerei! 
Doch siech ih ball, wöi ih su saus', 
Von Reichelsdorf ös erschti Haus. 
Frauh woar ih! öitz is nemmer weit, 
Und trampl fest draf laus! 
Oeitz stenna dort'n recht vill Leut', 
Denn Reichelsdorf is grauß! 
Drum denk' ih: „Söigst der zou kah Schand' 
Und springst itz roh, recht elegant!“ 
Doch dös is leichter g'sagt, wöi thou, 
Dös elegant Rohsteigen! 
Ih kumm af amol mit mei Schouh 
Ins Rod nei in die Speich'n 
Und Pumstl lieg' ih öitz, blaus in Strümpf', 
Oes Rod af mir, in Grob'n; ih schimpf: 
Mei husakreiz dös woar afplatzt, 
Die Pedoal woar verbug'n, — 
Mei G'sicht dös woar kreuzweis zerkratzt, 
Die Schouh senn draus 'rumg'flug'n! 
Der Gummiraff haut ah a Luch; 
Dau gäith's hamm mit'n Vorortszug