* 
136 — 
Wos haut mer denn a Mad 
Und git 'ra Kost und Louh? 
Und öiza macht ner goar, 
Es wörd bald zwölfa sei, 
Und wenn'r ferti seid, 
So bringt des Ess'n rei. 
M. 
Befehl'n S' kan Salot? 
So hul' i g'schwink no an. 
Fr. 
So? hult'r'n g'wieß vur euch? 
Ihr wißt's, i eß' jo kan. 
Und endli käm's su weit, 
Sie bringt des Ess'n rei. 
Viel diskerbiern s' niet, 
J bild' mer's ner su ei. 
Sie ried'n goar ka Wurt, 
Als daß die Mad fräigt oh. 
Sie haut ka Wasser niet, 
Und wenn sie's hul'n koh? 
Fr. 
Dös, glab' i, haut no Zeit! 
Es fällt euch g'wieß ner ei? 
Wou soll denn 's Wasser scho 
Döi Zeit hiekumma sei? 
Ihr könnt mer spöil'n öiz; 
Und wenn ihr ferti seid, 
So setzt a Wasser hie, 
Und wenn dös söoid't, so schreit. 
Mein Kaffee, den mach' ih, 
Dau woll'mer seha gleich, 
Ob der nit besser wörd, 
Als wöi die Broöih von euch.