78 
„„Der Schulz haut recht!““ — su schreies' z'samm, 
„„A Glock'n, dös is wauh'r, 
„„Kost meiher als a Stiernkamm, 
„„Mer schaffts' nit alli Jauh'r.““ 
Es kumma Strick und Lattern her, 
Sie fanga oh zon zoig'n, 
A jeder erbet wöi a Bär, 
Der Thurn der thout sih böig'n. 
Oiz kummt die Glock'n glücklih roh, 
Wird hie on's Wasser g'schafft, — 
A jeder will gern vorna droh, 
Sie hob'n schöier g'rafft. 
In Flauß is 's drinn, öiz fährt mer's rei, 
Und mitt'n d'rinn in Weiher, 
Dau lauß'n sies' in's Wasser nei; 
Hiz sagt der Nachbar Geier: 
„Ga! drinna wärs', dös siech ih wuhl, 
„„Wöi woll'mers' wieder finna?“ 
„Du Ochs!“ sagt draf der Nachber Kuhl, 
„Dau thoust dih eierst b'sinna?“ 
„Dau schneid't in Flauß a Kerb'n nei, 
„„Su wißt 'r nau die Eck'n, 
„„Und dau mouß nauch die Glock'n sei, 
„Döi koh sih nit versteck'n.“