10
Zick.
Wöi's ghaßen haut, die Waffen,
Döi mouß mer göben her,
Dau mach ih ah den Affen
Und folg gleih dem Begehr;
Ih liefer oh mein Dög'n
Mit sammt den silbern G'fäß,
Daß ih den hob hergöb'n,
Nir dummer iß, als dös.
Schrevfer.
Dau hoben's gleih draf g'lauert,
Und nau des Zeughaus g'leert;
Mih haut di Woar ner dauert,
Sunst haut's mih goar nix gschert.
Döi vielen Stück Kanona,
Döi Säbel und döi G'wihr,
Dös Rüstzeug, Paterona,
Mit Taschen, Bandelier.
Kouerla.
Doch hoben's wos nit g'funna,
Di Kron von deutschen Reich,
Döi häiten's a mit g'numma,
Dös sog ih euch ner gleich.
Flott.
Wöi lang werd's Reich noh halten?
Wos nutzt uns nau dei Krouh?
Ih glab, dös z'fährt in Balden,
Nau kröig mer eppet Rouh.