— 150 — 
Oder: An oalt'n Backasess'l 
Und an Korb vull Feuersta. 
Dacht Pfund Rouß nei, von an Kessi'l, 
Hackt mer alles grouß a kla, 
Läßt 's in Mondschei destillöier'n, 
Ober halt nit goar z'loang fei, 
Dös thout an recht auskuröier'n 
Wenn mer 's nehmt fröih nöichtern ei. 
Oder: 's Inschli von an Ig'l, 
Vöier Eliphant'nzäh, 
Kocht mer in an Stollertieg'l 
Mit ra Händ vull Hub'lspäh. 
Vöier Seidla Jumpfernmilch, 
Röihrt mer nau loangsam droh, 
Zwängt 's nau durch an Sok von Zwill'ch 
Trinkt all' Tog' a Mauß dervoh. 
Oder: An alta Hab'nschacht'l, 
Vöir Händ' Silbersand mit nei, 
Und in Schwonz von aner Wacht'l, 
Stäßt mer in an Mürschner fei', 
Nehmt dervoh drei Messerspitz'n 
Oab'nds in an Fingerhout, 
Thout neu Jauhr lang d'raf schwitz'n, 
Dös is g'wieß probat und gout. 
Ih wüßt' freili nu a Mitt'l, 
Dös is' ober Sympathie: 
Nehmt an flöißpapöirin Kitt'l 
Und an oalt'n Paraplü—.