7
Wöi dös su geiht auf dera Welt,
APfarrer plötzli störbt;
Will sög'n, wer sein Beichtstouhl wuhl
Und wer die Kanzi'lerbt.
Es dauert wuhl a ganza Wal,
Bis daß mer haut an Moh,
An den es Consistori nit
A Stäubla finna koh.
Der Moh werd b'stäitigt, eig'setzt ah,
Dös is a herrlis Fest,
Die ganza G'ma is in der Köring,
Dau is ka Ploz leer g'wöst.
Mei Weibla — wöi könnt's anderst sa.
Mouß ah nei in die Körch,
Allah, wall's z'spöt geiht weck dahamm,
summt's mitt'n nei in's G'wörg.
Sie koh nit hie zo ihr'n Ploz,
Nit um as wöi viel Göld,
Dau, wou's grod steiht, mouß bleib'n ah,
Wenn's ihr ah goar nit g'föllt.
Sie sicht in Herrn Pfarrer nit,
Wall's ah ka Kanz'l sicht,
Und vo der Priedi häiert's ka Wurt,
Dös merkst on ihr'n G'sicht.