Diz kumma s' hi, o löiber Gott,
Dös is jo grod ka Schnierz,
Sie klog'n um dös Nestla rum.
Es z'reißt an bald es Herz.
Allah, es nutzt halt Alles nix,
Ka Greina und ka Flouch,
Wos g'fress'n is, dau is verbei,
Dös löst in jed'n Bouch.
Su haut mer mir döbi Gsischicht' derziehlt,
Und su derziehl's a ih,
Und wenn's nit wauher is, nauchher haut
Mer halt ohg'lug'n mih.
Doch, wos mer dau d'raus lerna koh,
Wos die Moral wörd sei,
Dös is vielleicht goar Manch'n scho
Ban Les'n g'fall'n ei.
Wenn si zwou Eih'leut' streit'n stets,
Hernauch, dau geiht nix z'samm,
Denn ohni Streit, dau wär'n döi
Rechtzeiti kumma hamm.
Und daß mer soll schöi b'schad'n sei,
Oft sicht mer's z'spöt eirst ei,
Es git jo Rög'nwörmer g'noug,
Mouß denn der gräißt' grod sei?
J
— 0