38 
Er haut ganz neui Stief'l kröigt, 
Wou si ös Löder noni böigt, 
D'rum knarz'n döi als wöi nit g'scheit. 
Mer häiert's ganzi Gass'n weit. 
Natbierli is sei Frau derwacht, 
Wöi er haut su an Lärma g'macht. 
Sie greint, Du bist a schlechter Moh, 
Daß Du mer thoust a su wos oh. 
Nau schönd's, döi Würter porz'ln raus, 
Wöi Boub'n, wenn die Schoul' is aus. 
Er bitt': Oh gouta Frau häier' af, 
Denn wennst derstickst, geihst mer no draf. 
Nau steigt er in sei Bettstätt' nei, 
Dreiht si a poarmaul und schlöfft ei'. 
Er tramt die ganzi Nacht dervo, 
Wöi schröckli sei Frau schönd'n koh. 
Und worma thout's 'n die ganz' Nacht, 
Wos daß sei Frau haut Alles g'sagt, 
No wart' ner, denkt er, glab' mer's ner, 
Dei Schönd'n, dös vertreib' j der. 
In andern Fröih, glei ban Kaffei, 
Dau bitt' er s' um Verzeihing schöi 
Und schwürt, wenn er kummt wider z' Haus, 
Zöigt er in Gang sei Stief'l aus.