153 
ür“ 
halt, 
9 
ick hi 
Heunt wennst Höiheraug'n haust 
Und Du geihst mit aff der Strauß'n. 
Brouder, dös thout Dir nit weih, 
Brauchst Der kah mehr schneid'n lauss'n. 
In der Mitt'n is der Wög 
Für die Reiter und die Wög'n, 
Links a röchts a Trottoar 
Für su Leut', döi z' Fouß geih mög'n. 
Freili, dös is ah verbei, 
Daß mer z' Nachts macht in sein Gäßla, 
Wenn's stukfinster um an is, 
Mit der Nachberi a G'späßla. 
ehnten 
It. 
Hiz is Alles glockahell, 
Die ganz' Nacht, in alli Eck'n 
Brenna die Laterna, häier, 
Dau koh sie ka Maus versteck'n. 
Ober halt döi senn nit su 
Wöi aff d' Letzt Du manst, daß wür'n, 
Na! döi senn elekterisch, 
Brauchst Di nit mit Ihl ohschmier'n. 
Eppet waßt no, wöi dös sicht, 
Su an afblaus'na Säublaus'n, 
G'rod su henk'n s' on an Drauht, 
Mitt'n drinna in die Strauß'n.