85 
Der alte Schneidermeister. 
Ja, su ändern si die Zeit'n 
und wir uns, wer häitt' dös glabt, 
daß mer öiz kröig'n sotti Zouständ, 
dös is meinad nit derlabt. 
Sunst'n woar mer z'streng in All'n, 
öiza is mer wieder z'gout, 
bin begieri, ob 's no länger 
wöi bisher a gout no thout. 
Bis mer sunst ner wur'n a Master 
und haut kröigt sein Heirethsschei', 
öiza koh a jeder Simp'l 
gleih Fabrikbesitzer sei. 
Dau git's ah, döi mach'n Klader, 
dös haßt, lauss'n mach'n ah, 
hob'n Maschina und versenden s' 
nei bis af Amerika.