Ankündigung. 
E⸗ hob'n mi scho langa Seit 
Viel gouti Freund' und meih'r Leut' 
Erinnert und röcht oft scho g'fraugt, 
J dörft' banah scho sog'n plaugt, 
Ob i denn nit mei bißla Woar 
In Nörnberger Mundart goar, 
Des Säuberst su, möcht' souch'n aus 
Und in an Bändla göb'n raus? 
J hob' mi lang derwider g'setzt, 
hob' immer denkt, es fohlt aff d' Letzt. 
Und öiz aff ahmaul fällt's mehr eiz 
Doch ober möcht' i sicher sei. 
Siz künd' i's oh in aller Still, 
Wer eppet subscriböiern will. 
Es wörd a Bändla in Oktap, 
Und Alles droh soll wer'n brav. 
Der Preis soll, denk i, billi sei: 
J bild' mer su zwölf Batz'n ei; 
Doch, wenn i's nit derrauth'n koh, 
Su treffet's etli Kreuzer oh. 
J hob' viel Leut afg'schrieb'n scho, 
Allah i brauch' halt meih'r no: 
SFrübel. Gedichte