—
230 —
Und wos mer thou koh, wenn mer ner nit glei verdröißli
weicht,
Und su durch unverdroßna Fleiß aff d' Letzt des Ziel erreicht.
J will's ner glei von Ohfong her derziehl'n, wöi's is g'wöst,
Denn wall mer's aff verschied'na Oart in mancher Zeiting löst,
Und wöi mer's vielleicht sunst no b'schreibt in allerhand
Manier,
Wall's Leut' git, döi si örgern droh; drum häiern Sie's von mir.
Es haut höi von der Burgerschaft öiz her scho g'rama*) Zeit
In Ohfong zwoar ner Etliche, des Exerzöiern g'freut:
Wall ban an Afzug öftermaul banah häit Alles g'lacht,
Wenn Aner exerzöiern will, und waß niet, wöi mer's macht.
Su hob'n s' höi von Militär ausg'soucht an röcht'n Moh,
Der 's Exerzöiern g'lernt haut su gout, als's Aner koh;
Den hob'n sie si b'stellt derzou, und der haut s' bracht su weit,
Daß s' tüchti exerzöiern öiz in derer korz'n Zeit.
Glei hob'n si aff no an Ploz no meih'r zammag'stellt
Und hob'n grod a su an Moh zon Exerzöiern b'stellt.
Und hob'n's g'lernt ah su wöi döi, daß jeder g'scheiter Moh,
Der unparteiisch ried'n will, nix drüber sog'n koh.
Su hob'n si von Tog zo Tog no meih'r g'fund'n ei,
Und Jeder haut durch Möih und Fleiß der Gierst' woll'n sei,
Su daß zwöi Herr'n Capitän' dös Ding haut selber g'freut;
Doch dau haut no nit Aner denkt: mit uns kummt's no su weit.
Durch länger's Exerzöiern fort öiz sicht mer's ei, wos föhlt,
Es haßt: uns föhl'n Offizier'! Döi hob'n sie si g'wählt
* geraume.