24 
Kotz dunner, s'iß scho spöt, 
Ihr dörft euch d'raf verlaußen, 
Deiz geih ih hamm schöi stöht. 
Es giet noh wos zon pappeln, 
Ah Enten hob ih dau, 
(zeigt auf die Tasche.) 
Wöi werd meih Lena zappeln, 
Doi iß von Herzen frauh. 
Mir haut's döi Mamsell Schnatter 
Heut g'steckt in d'Taschen neih, 
Meih löiba gouta G'vatter, 
Döi thout goar freundlih seih, 
Haut g'sagt: diz dös verziehren's 
Derhamm mit ihrer Frau, 
Dau haut öiz g'nutzt kah Wihrens, 
Denn döi nehmt's nit su g'nau. 
Schrepfer. 
Verderb dir ner dein Mogen, 
Wennst noh su spät wos ißt, 
Daßt moring thoust nau klogen 
Ih waß nit wöi du bist. 
Kneip. 
Ih glab dau dörf ih traua, 
Es iß ah vurnehm's Moahl, 
Dös läßt si leicht verdaua 
Und macht mir g'wiß ka Quoal. 
(im Fortgehen) 
Noh gouta Noacht ihr Bröider, 
Laßt reua euch ka Zeit, 
Habt g'sunga schöini Löider, 
Döi hob'n mih währlih g'freut.