29 
Daß ih hob' zwa g'sundi Back'n 
und bin sunst nit üb'l g'stellt, 
dös is doch meinad nix b'sunders, 
su git's meiher af dera Welt. 
Ih bin fei ka su a Dock'n, 
wöi Sie eppert vo' mer glab'n, 
genga S' ner recht viel af's Äußer, 
halt'n S' Kräha z'letzt für Tab'n. 
Doch, daß S' wiss'n, wöi S' öiz droh senn, 
mouß ih Ihna doch no sog'n, 
mit an Schatz von Ihrer Sort'n 
könnt' ih mih fei nit vertrog'n. 
An's thou ih ner no bedauern, 
daß Sie sie geb'n hob'n döi Möih, 
öiza oaber mouß ih bitt'n, 
thenna S' mer fei weiter geih, 
Denn ih mouß no feg'n und putz'n 
und thäit' Ihn mei Vatter sehg'n, 
kröiget Er no z'letzt a Watsch'n, 
und dös soll Ihn doch nit g'schehg'n!