96
Wou woarst denn nauchher g'steckt döi Nacht?“
— Hiz mouß er halt derziehl'n, —
Ihr G'sichtla wörd ganz lang derbei,
Banoh a halba Ihl'n.
Z'eirst haut s' halt doch wos Ander's denkt,
— No ja, si is a Fra, —
Doch, wöi ss die Rechnung siecht von Strauß,
Su glabt sie's endli ah.
In andern Tog löfft s' ober glei
Zon Schlosser Wedermoh,
In gräißt'n Schlüss'l, den der haut,
Den fremmi se sie dort oh.
Und hängt'n an sei Hus'n hint'
Fest an die Schnall'n hi,
Dau koh er'n nit vergess'n meih'r,
Dös glab i sicher, ih.
As dera G'schicht', ihr löib'n Leut',
Könnt' die Moral ihr lös'n,
Trögt euern Schlüss'l stets ba euch,
Nau könnt' ihr'n nit vergess'n.
Der Glaßkopf.
A Moh, no in die best'n Jauh'r,
Haut aff'n Kupf kan anzi's Hau'r,
Er mant, dös kummet dauvoh her,
Wall er halt goar su fleißi wär'!