89 
— — — — 
Die Geschichte von den 
Hummelbauern. 
In Mist'lgau will's goar nit regna, 
die Bauern klog'n schreckli dort, 
es geb'n ka Wasser meiher die Brunna, 
es steiht recht schlecht in manch'n Ort. 
Mer redt nix als von dera Truckna, 
wenn kumma wou die Bauern zamm, 
öiz hälert dös amoal a Fremder, 
der grohd is g'west in „weißen Lamm“ 
Und sagt: „Thät' doch nach Nernberg schick'n, 
und laußt Euch dort dös Mitt'l geb'n, 
dös döi verwend'n scho maletta, 
wenn's dort'n brauch'n an g'scheidt'n Reg'n.“ 
„Ja“, sagt öiz Aner, „su a Mittel 
dös brauchet mer scho näithi höi!“ 
„no“, sagt der Herr, „es koh ja Aner 
gleih morg'n scho noh af Nörnberg geih.“