30
EOBANVS, NORIBERGA.
Inde canam potius quae plus habuisse favoris
Et minus invidiae possint: nunc coepta sequemur.
Forum maximum.
Jam fora ecivili si prosequar omnia versu,
815 In quibus hic populus diversa negotia tractat,
Offendam placidas nimiis ambagibus aures:
Non quia non meritae sint eae quoque nomina partes.
Sed quia de multis ego scribere pauca volebam.
Quae cum ter tria sint, de ter tribus attinet unum
Dicere, quod, reliquis cum sit spatiosius, 1pso
Praevalet hoc etiam, quod et est pretiosius omni
Cultus luxuria rerumque frequentius usu.
Cuius ad aequales quadrangula linea partes
Ducitur aequali spatio sibi dissita ab omni
825 Limite: sic quadrata fori fit forma patentis
Terque quaterque decem passus vel plus minus omni
Parte sui, spatiis tam ingentibus area quadrat.
Tam celebris non pauca fori commercia possem
Si numerare velim, quae vulgi postulat usus,
8380 Omnia quae populo venduntur, emuntur, aguntur
fia}] In medio conventa foro, quod tempore nullo
Cessat et insano strepitat prope murmure turbae
Assidue coeuntis et inter sese agitantis,
Magnaque parvaque facta infecta negotia rerum.
Milia tot capitum nullo non paene dierum
Conveniunt strepitu tanto fervore forensi,
Vt si cui vel apum libeat componere densis
Agminibus, cum tota suis examina lucis
Conglomerantur et arboreis in frondibus haerent,
340 Vel formicarum verno sub sole ferenda
Mole laborantum turbis, non frivola peccet,
Non etiam simili non possit imagine. diei
Vsus et apposita rem demonstrasse figura,
395